Microsofti ka bërë publike të premten se një grup hakerësh të lidhur me Rusinë kanë hyrë në emailet e disa zyrtarëve të lartë të kompanisë. Sulmi ka filluar në fund të vitit të kaluar dhe është zbuluar vetëm këtë muaj, ka thënë kompania e teknologjisë.
Hakerët kanë arritur të marrin disa dokumente konfidenciale nga emailet e prekura, por Microsofti nuk ka bërë të ditur se kush janë viktimat e sulmit, duke thënë se bëhet fjalë për “një përqindje të vogël të punonjësve”.
Microsofti ka rreth 221.000 punonjës në mbarë botën.
Microsofti ka shtuar se hakerët kanë synuar fillimisht informacionin që lidhej me aktivitetin e tyre, dhe më pas kanë zgjeruar sulmin në mënyrë të organizuar. (bild.mk)