Organizata Botërore e Shëndetësisë (OBSH) ka miratuar dhe rekomanduar një vaksinë të re kundër malaries, e cila është zhvilluar nga shkencëtarët në Universitetin e Oksfordit. Kjo është vaksina e dytë e disponueshme ndaj malaries, pas RTS,S/AS01, të cilën OBSH e rekomandoi në 2021.
Vaksina e re, e quajtur R21/Matrix-M, është prodhuar nga Instituti i Serumit të Indisë dhe pritet të jetë më pak e shtrenjtë për t’u prodhuar. Ajo ka treguar një efikasitet prej 75% në vendet me transmetim të lartë të malaries sezonale dhe 68% në vendet me transmetim më shumëvjeçar. Ajo kërkon tre doza me një përforcues 12 muaj më vonë.
Malaria është një sëmundje infektive që shkaktohet nga parazitët që transmetohen nga mushkonjat. Ajo preku rreth 247 milionë njerëz në vitin 2021, sipas OBSH-së, dhe shkaktoi mbi 600,000 vdekje, kryesisht fëmijë nën moshën pesë vjeç.
Drejtori i Përgjithshëm i OBSH-së, Dr. Tedros Adhanom Ghebreyesus, tha se miratimi i vaksinës së re është një arritje historike në luftën kundër malaries. Ai shtoi se OBSH do të punojë me partnerët për të siguruar qasje të gjerë dhe të drejtë për vaksinën.
Ekspertët e shtuan se vaksina e re do të jetë një mjet i fuqishëm për të ulur numrin e rasteve dhe vdekjeve nga malaria, por nuk do të zvendësojë metodat ekzistuese të parandalimit dhe trajtimit, siç janë rrjetet mbrojtse me insekticide, ilaçet antimalarik dhe testimi i shpejt. (politiko.makdomen.net)