Manchester United dhe Bayern Munich i janë bashkuar garës për të nënshkruar me Marco Verrattin nga PSG.
Italiani nuk është pjesë e planeve të Luis Enrique për këtë sezon dhe u la jashtë skuadrës për dy ndeshjet hapëse të Ligue 1 të sezonit 2023-24.
Al-Hilal ëshë në prag të një marrëveshjeje me mesfushorin italian, por sipas “90min”, ende nuk ka akord mes palës saudite dhe PSG-së, ndërsa bisedimet mes dy klubeve kanë ngecur.
Sipas të njëjtës media, Manchester United dhe Bayern Munich mund të shfrytëzojnë situatën, duke i bërë një ofertë PSG-së për Verrattin. Të dy gjigantët evropianë thuhet se janë të interesuar për italianin që luan në Paris që nga viti 2012.
Sipas L’Equipe, trajneri i Manchester United, Erik ten Hag, ka dhënë tashmë dritën e tij jeshile për të nënshkruar me Verrattin.