Të paktën një person ka vdekur dhe disa të tjerë janë plagosur nga një sulm me dron rus gjatë natës në Kiev, thanë autoritetet.
Sipas zyrtarëve ushtarakë të Kievit, një pjesë e madhe e dronëve të prodhuar nga Irani u rrëzuan mbi hapësirën ajrore të qytetit.
Ishte nata e tretë radhazi e sulmeve në kryeqytet, që vinin vetëm disa orë pas përfundimit të samitit të NATO-s në Lituani.
Shpërthimet u raportuan në pesë rrethe dhe të paktën dy persona u dërguan në spital.
Kryebashkiaku Vitali Klitschko tha se një trup i vetëm u gjet në një ndërtesë apartamentesh në lagjen Podilsky, në veri të Kievit qendror, shkruan BBC, transmeton Klankosova.tv.