Nëntë palestinezë janë vrarë nga forcat izraelite në bastisjet gjatë natës në të gjithë Bregun Perëndimor të pushtuar, sipas Ministrisë palestineze të Shëndetësisë. Bastisjet kishin në shënjestër grupe të armatosura palestineze në Jenin, Hebron, Qalandiya dhe Nablus, mes tensioneve në rritje në rajon.
Incidenti më vdekjeprurës ndodhi në kampin e refugjatëve Jenin, ku pesë palestinezë, përfshirë një 17-vjeçar, u qëlluan për vdekje nga forcat izraelite, një person i gjashtë u plagos rëndë. Ushtria izraelite tha se kishte kryer një aktivitet kundër terrorizmit..
Dëshmitarët okularë dhe videot e siguruara nnë rrjet treguan një prani të madhe ushtarake izraelite në kamp, me të shtëna armësh, shpërthime dhe buldozerë që shkatërronin infrastrukturën. Persona të armatosur palestinezë thuhet se shkëmbyen zjarr me forcat speciale izraelite që kishin hyrë fshehurazi në kamp.
Në incidente të veçanta, katër palestinezë të tjerë u vranë nga forcat izraelite në vende të ndryshme në Bregun Perëndimor.
Izraeli ka intensifikuar operacionet e tij kundër militantëve palestinezë në Bregun Perëndimor që nga 7 tetori, pas një sërë sulmesh dhe tentativash sulmesh kundër civilëve dhe ushtarëve izraelitë. Qyteti i Jeninit, në veri të territorit, ka qenë një fokus i veçantë i bastisjeve izraelite. (politiko.makdomen.net)