Kina ka rikonfirmuar lidhjet e saj diplomatike me Izraelin dhe ka thënë se vendi është shënuar qartë në hartat e saj zyrtare, pasi disa harta online nga kompanitë kineze nuk tregojnë emrin e Izraelit apo Palestinës.
Çështja doli në dritë kur përdoruesit vunë re se emri i vendit “Izrael” nuk ishte i dukshëm në hartat e aplikacioneve të njohura celulare nga platforma kryesore e kërkimit Baidu ose Amap i mbështetur nga Alibaba, edhe pse territori i tij dhe emrat e vendeve fqinje tregoheshin qartë në një pamje të rajonit. Ndërsa nga ana tjetër sa i përket “Palestinës”, të cilën Kina e njohu si shtet në 1988, sot është e renditur në hartat e saj zyrtare së bashku me Izraelin.
Të dy emrat dalin në kërkimet e fjalëve në versionet celulare të platformave, të cilat nuk janë në pronësi të shtetit, por funksionojnë në mjedisin online shumë të moderuar të Kinës dhe janë po aq të përhapura sa hartat e Google ose Apple jashtë vendit.
Kina dhe Izraeli kanë një marrëdhënie normale diplomatike, vendi përkatës është i shënuar qartë në hartat standarde të lëshuara nga autoritetet kompetente kineze, tha zëdhënësi i Ministrisë së Jashtme Wang Wenbin në përgjigje të një pyetjeje gjatë një konference të rregullt për shtyp.
Wang nuk shpjegoi pse disa harta në internet nuk shfaqnin emrat e Izraelit apo Palestinës, as nuk komentoi nëse Kina do të ndërmerrte ndonjë veprim për të korrigjuar situatën. Ai gjithashtu nuk përmendi ndonjë ndikim të mundshëm në marrëdhëniet e Kinës me Lindjen e Mesme, ku ajo është përpjekur të zgjerojë ndikimin dhe interesat e saj ekonomike. (politiko.makdomen.net)