Franca ka bërë të ditur se nuk do të pezullojë ndihmën që i jep popullit palestinez, edhe pas sulmit të organizatës terroriste Hamas kundër Izraelit, që ka shkaktuar dhjetëra viktima civilë. Kjo është bërë e ditur nga ministria e jashtme franceze në një deklaratë të lëshuar të martën.
Sipas deklaratës, Franca ka dhënë 95 milionë euro (100 milionë dollarë) mbështetje për palestinezët në vitin 2022, duke u fokusuar në “ujin, shëndetin, sigurinë ushqimore dhe arsimin”. Ndihma franceze synon të përmirësojë jetesën e palestinezëve dhe të kontribuojë në zgjidhjen e konfliktit mes Izraelit dhe Palestinës.
Nnga deklarata e ministrisë së jashtme franceze për CNN është theksuar se Franca “nuk është në favor të pezullimit të ndihmës që përfiton drejtpërdrejt popullin palestinez” dhe se mbetet e angazhuar për një paqe të drejtë dhe të qendrueshme në Lindjen e Mesme. Ajo ka shtuar se Franca ia bëri të qartë pozicionin e saj Komisionit Evropian, pasi një zyrtar i këtij institucioni kishte thënë se pagesat e ndihmës së Bashkimit Evropian për palestinezët do të pezulloheshin pas sulmit të Hamasit.
Komisioni Evropian mbrapa u korrigjua dhe tha se pagesat nuk do të ndaleshin, por po niste një “rishikim urgjent të ndihmës së BE-së për Palestinën”. Rishikimi nuk do të ndikojë në ndihmën humanitare që ofrohet nga Operacionet Evropiane të Mbrojtjes Civile dhe Ndihmave Humanitare. (politiko.makdomen.net)