Një student i diplomuar i Universitetit të Karolinës së Veriut është akuzuar për të shtënat fatale të hënën ndaj një profesori në kampusin e shkollës ”Chapel Hill”, tha universiteti të martën.
Të dhënat e gjykatës tregojnë se Tailei Qi, 34 vjeç, sipas raportimeve të mediave, u akuzua për vrasje të shkallës së parë dhe mbajtjen e një arme në një kampus arsimor në vrasjen e Zijie Yan.
Një faqe interneti universitare tregoi se Qi ishte një student doktorature që i ishte bashkuar grupit kërkimor të Yan në janar 2022.
Raportet e të shtënave shkaktuan një bllokim prej disa orësh në shkollë, e cila ka një popullsi studentore prej rreth 32000, së bashku me rreth 4,100 pedagogë dhe 9,000 anëtarë të stafit, shkruan ndtv.
Shkollat publike aty pranë u mbyllën gjithashtu në ditën e tyre të parë të mësimit pas pushimit veror.