Në një deklaratë të fundit, Papa Françesku ka bërë thirrje për ndërprerjen e veprimeve që mund të nxisin një konflikt të gjerë në Lindjen e Mesme, pas tensioneve të shtuara mes Iranit dhe Izraelit. Duke folur nga Vatikani, Papa shprehu shqetësimin e tij për situatën e tensionuar dhe bëri apel për një përfundim të menjëhershëm të dhunës.
Papa u shpreh se është thelbësore që të gjitha palët të angazhohen në një proces paqeje dhe të mbështesin ekzistencën e dy shteteve të sigurta dhe të qëndrueshme. Ai theksoi se izraelitët dhe palestinezët kanë të drejtën të jetojnë në paqe dhe siguri, duke u bërë thirrje për armëpushim dhe negociata të drejtpërdrejta për të zgjidhur konfliktin.
Në mënyrë të veçantë, Papa i bëri thirrje komunitetit ndërkombëtar të ndihmojë popullsinë në Gaza që po përballet me një krizë humanitare dhe kërkoi lirimin e pengjeve të rrëmbyer nga Hamasi. Kjo deklaratë vjen si përgjigje ndaj zhvillimeve të fundit që kanë rritur frikën për përshkallëzim të mëtejshëm të situatës në rajon.