Një sulm i ri me dron ka ndodhur sot në një bazë ushtarake amerikane pranë aeroportit të Erbilit në Irak. Nuk ka informacion zyrtar nëse ka pasur të plagosur apo të vrarë nga ky sulm.
Ky është sulmi i dytë me dron kundër forcave amerikane në Irak. Më 2 janar, një dron u rrëzua mbi aeroportin e Erbilit nga sistemet e mbrojtjes ajrore. Një grup i njohur si “Rezistenca Islame në Irak” e mori përgjegjësinë për atë sulm.
Forcat amerikane dhe aleatët e tyre në Irak dhe Siri janë në gjendje alarmi për shkak të rritjes së sulmeve në bazat e tyre. Sulmet janë shtuar që nga fillimi i konfliktit mes Izraelit dhe Hamasit në tetor. (bild.mk)