Një njeri ka vdekur në një aksident rrugor në Gjermani, ku rrugët janë bërë të rrezikshme nga reshjet e dendura të shiut. Autoritetet kanë bërë thirrje për kujdes të madh dhe kanë këshilluar qytetarët të mos udhëtojnë nëse nuk është e domosdoshme.
Situata është e vështirë sidomos në Saarland, North Rhine-Ëestphalia, Hesse, Thuringia, Saksonia dhe Bavaria, ku janë raportuar më shumë se 100 aksidente trafiku deri tani. Aeroporti i Frankfurtit, i cili është një nga më të mëdhenjtë në Evropë, ka anuluar mbi 500 fluturime, ndërsa në Munih janë anuluar mbi 250 fluturime.
Aeroporti Saarbruecken në perëndim të vendit është mbyllur plotësisht, ndërsa aeroportet në Dyseldorf dhe Koln gjithashtu kanë përjetuar vonesa dhe anulime të shumta. Kompania kombëtare e trenave, Deutsche Bahn, ka reduktuar shpejtësinë maksimale të trenave të saj në 200 kilometra në orë dhe ka anuluar disa linja të rëndësishme.
Shumë shkolla dhe çerdhe në Gjermani janë mbyllur si masë paraprake, ndërsa disa biznese kanë lejuar punonjësit e tyre të punojnë nga shtëpia për të shmangur rreziqet e motit të keq. (bild.mk)