Victoria Beckham, për një rubrikën “What’s in my bag” në French Vogue, detajoi se çfarë mban me vete çdo ditë në çantën e saj.
Ajo zbuloi se e mban celularin e saj kudo me vete. “Celularin e kam gjithmonë me vete. Sepse ju kurrë nuk e dini se kur Davidi ose një nga fëmijët e mi mund të kenë nevojë për mua. Unë kurrë nuk largohem nga shtëpia pa të.” Ndër të tjera, Victoria na tregoi sfondin e saj të celularit, që sigurisht ishte një foto e fundit me Davidin, nga premiera e dokumentarit të tyre.
Tjetra është një aparat fotografik i vogël profesional që të mund të kap momentet e saj, me cilësi të mirë. ‘Highlighter’ nuk i mungon asnjëherë çantës së saj, pasi dëshiron të duket sa më rrezatuese. Vazhdon me parfumin e saj, duke treguar dobësinë e saj në ndjesitë vjeshtore.
Pjesë e pandashme e çantave të saj janë edhe kristalet. Kristalet njihen për energjinë pozitive që sjellin dhe si ajo ashtu edhe pjesa tjetër e familjes besojnë shumë në aurën që mund t’ju japë një kristal. Ajo së pari mësoi për atmosferën e gurëve të çmuar kur u transferua në Los Anxhelos.
Më pas syzet e saj të diellit. “Unë kurrë nuk dal nga shtëpia pa syze në çantë”. Një tjetër send i çmuar që ajo mban me vete kudo është një portofol argjendi, në të cilin ajo mban kartat e saj, të cilat Beckham ia dha rreth 27 vjet më parë. Më pas vjen linja e buzëve nga marka e saj e bukurisë në nuancën 2, dhe në fund kufjet e saj. Për ta mbyllur, Victoria nuk ka munguar të shprehë dashurinë e saj për Parisin, dhe udhëtimet romantike me Beckham. /abcnews