Qimnoni është një erëz e njohur për aromën e fortë dhe të ngrohtë, por a e dini se ka edhe shumë përfitime shëndetësore? Një numër studimesh kanë treguar se qimnoni mund të ndihmojë në humbjen e peshës, uljen e kolesterolit dhe sheqerit në gjak dhe lehtësimin e sindromës së zorrës së irrituar.
Qimnoni rrjedh nga bima Cuminum cyminum e cila është vendase në Evropë, Azi dhe Afrikë. Përmban vajra esencialë që i japin shije dhe aromë ushqimit. Përfitimet e tij shëndetësore janë të shumta dhe vazhdimisht në rritje bazuar në kërkimet e disponueshme.
Një studim i vitit 2015 tregoi se marrja e qimnonit në lidhje me një trajtim kundër obezitetit çoi në humbje të konsiderueshme në peshë te pjesëmarrësit pas tetë javësh nga marrja e tij. Një studim tjetër tregoi se gratë mbipeshë dhe obeze që konsumuan 3 g pluhur qimnoni në kos çdo ditë për tre muaj, kishin një ulje të ndjeshme të peshës, perimetrit të belit dhe yndyrës totale të trupit. Po kështu, konsumimi i 3 gram qimnon në ditë çoi në nivele më të ulëta të kolesterolit total, kolesterolit të keq LDL dhe triglicerideve.
Përfitimet e kësaj erëze me aromën e saj karakteristike nuk ndalen këtu. Një studim i vitit 2017 tregoi se vaji i qimnonit në një dozë prej 50 ose 100 mg çoi pas tetë javëve të marrjes në një reduktim të sheqerit total në gjak, insulinës dhe imunoglobulinës A, shënues të kontrollit të diabetit.
Marrja e qimnonit gjithashtu duket të jetë efektive në luftimin e simptomave të sindromës së zorrës së irrituar, kryesisht dhimbjes dhe fryrjes, sipas një studimi tjetër.
Pra, nëse doni të përfitoni nga këto erëza, mos ngurroni të shtoni pak qimnon në ushqimin tuaj. Do të ndiheni më mirë, më të shëndetshëm dhe më të lumtur. (politiko.makdomen.net)