Një kolonë prej 20 kamionësh me ndihma nga Gjysmëhëna e Kuqe egjiptiane hyri në Gaza sot, duke thyer bllokadën që ka izoluar territorin prej javësh. Ekipi i CNN në anën palestineze të kalimit Rafah dëshmoi mbërritjen e kamionëve, të cilët mbanin ushqime, ilaçe dhe furnizime të tjera. Në anën egjiptiane të kufirit, njerëzit brohoritën dhe kënduan ndërsa kalimi Rafah u hap shkurtimisht të shtunën në mëngjes.
Kalimi u mbyll përsëri menjëherë pasi kamionët kaluan në Gaza.
Një zëdhënës i Sekretarit të Përgjithshëm të OKB-së tha se kamionët e ndihmave ishin nga Gjysmëhëna e Kuqe egjiptiane dhe se më shumë kamionë me ndihma të OKB-së pritej të kalonin në Gaza të hënën.
Zëdhënësi tha se OKB-ja po punon me të gjitha palët për të lehtësuar aksesin humanitar në Gaza, e cila është nën rrethim nga Izraeli që nga 10 maji. (politiko.makdomen.net)