Bashkimi Demokratik për Integrim dhe kreu i sajë, Ali Ahmeti vazhdojnë të dominojnë skenën politike shqiptare, pavarësisht se së fundi janë formuar një numër i madh i partive politike.
Përmes linjës telefonike, “Market Vision”, anketoi 1200 qytetarë. Sipas kësaj ankete të porositur nga portali “MKD”, kreu i BDI-së – Ali Ahmeti përpos se dominon në skenën politike shqiptare, ai ka mbështetje më të madhe edhe se vet kryeministri i vendit, Dimitar Kovaçevski, informon Politiko.makdomen.net
Respektivisht, Ahmeti gëzon 3.7% të mbështetjes së qytetarëve, gjersa Kovaçevski ka 3.5%. Ali Ahmeti është i pakrahasueshëm me liderët politik shqiptar, sepse sipas anketës, asnjëri nga liderët e tjerë politik në kampin shqiptar nuk gëzon as 1% të mbështetjes qytetare. Sipas renditjes, Ziadin Sela gëzon 0.3%, Izet Mexhiti, 0.4%, Bilall Kasami, 0.9%, dhe Afrim Gashi, 0.3%.
Sipas anketës, BDI-ja renditet e para me, 9.7%, Aleanca për Shqiptarët e dyta me, 3.1%, Lëvizja Besa me 2.5% dhe vazhdojnë partitë tjera të cilët nuk kanë mbështetje më të madhe se 1%, që janë, Lëvizja Demokratike 1%, Alternativa, 0.9%, dhe Partia Demokratike Shqiptare me 0.4%.
