Tetova dje por edhe sot është shndërruar në qendër ndërkombëtare të botës, sepse pikërisht në Tetovë nga dita e djeshme, po qëndrojnë 57 përfaqësues të OSBE-së.
I gjithë ky organizim, mban vulën e Ministrisë së Punëve të Jashtme dhe ministrit Osmani që edhe kryeson me OSEBE-në.
Gjatë rrugës për Tetovë ditën e djeshme, ishte pikërisht portali indeks.mk që e shoqëroi Osmanin dhe realizaum një intervistë në një format ndryshe nga herat e kaluara.
Në këtë intervistë ekskluzive për indeks.mk, Osmani foli për përfitimet që do ti ketë Maqedonia e Veriut në rast të integrimit sa më të shpejtë në BE po edhe humbjet në rast të ngecjes.
Foli edhe për ndryshimet Kushtetuese dhe faktin se VMRO-ja po i bllokon ato.
Tha se VMRO-ja po kërkon dhe po dëshiron që çështja e ndryshimeve Kushtetuese të jetë temë krysore në zgjedhjet e ardhëshme sepse sipas Osmanit kjo është çështje e ndjeshme dhe emocionale që nuk i lejon njerëzit të mendojnë shumë.
Sipas tij, kur ka emocion nuk ka arsye, “Emocioni e mbyt arsyen”. Shton se nuk është koha për zgjedhje të parakohshme dhe se pikërisht VMRO-ja opozitare tenton që zgjedhjet që i kërkon me ngulm ti kthejë në një referendum për Bullgarinë, e që sipas shefit të diplomacisë një gjë e tillë nuk do të ndodhë.
Kujton se zgjedhjet në vendin tonë do të mbahen në afatin e rregullt dhe në ato zgjedhje do të zgjidhen dhe do të fitojnë ata që ia duan të mirën vendit dhe qytetarëve dhe se VMRO-ja në mungesë të planit dhe projekteve strategjike dëshiron të shkojë në zgjedhje me temën e ndryshimeve kushtetuese.
Foli edhe për akuzat që VMRO-ja i bën në adresë të zyrtarëve të emëruar nga BDI-ja në këtë përbërje dhe për dorëheqjet e ofruara që i kërkoi VMRO-ja./Indeks.mk/
Për më shumë, ndiqeni intervistën e kryshefit të diplomacisë, Bujar Osmani të dhënë për indeks.mk