Ajo që duhej të ishte një moment i pastër gëzimi për Spanjën, pasi festoi titullin e parë të Kupës së Botës për femra, u la pak në hije nga një moment që ndodhi gjatë ceremonisë pas ndeshjes.
Presidenti i Federatës Spanjolle të Futbollit Luis Rubiales puthi në buzë kapitenen e ekipit Jenni Hermoso gjatë ceremonisë, gjë që shkaktoi reagime në publik.
Momenti u kap nga kamerat televizive dhe u transmetua në të gjithë botën.
Në një video live në Instagram nga festa e skuadrës brenda dhomës së zhveshjes, Hermoso dhe shoqet e saj mësuan se momenti u pa në TV.
Ajo gjithashtu në videon live e pyetur nga komentuesit tha: “Kjo nuk më pëlqeu!”.
Nuk kishte asnjë tregues se Hermoso dhe Rubiales ishin në një lidhje.
Më pas, në një deklaratë të dhënë për AFP dhe të raportuar nga The Guardian, Hermoso e quajti puthjen një “gjest natyral dashurie”.
“Ishte një gjest reciprok krejtësisht spontan për shkak të gëzimit të jashtëzakonshëm që sjell fitimi i Kupës së Botës,” citohet të ketë thënë Hermoso në një deklaratë të lëshuar nga federata spanjolle. “Presidenti dhe unë kemi një marrëdhënie të shkëlqyer, sjellja e tij me të gjithë ne ka qenë e jashtëzakonshme dhe ishte një gjest i natyrshëm dashurie dhe mirënjohjeje”.
VIDEO:davidmelero__