Portieri spanjoll, Kepa Arrizabalaga ka gjasa të mëdha të ribashkohet me ish-trajnerin e tij, gjermanin Thomas Tuchel. “Kicker” ka raportuar të mërkurën se Tuchel po insiston në transferimin e Kepas te skuadra e Bayern Munichut gjatë kësaj vere. Ai ka punuar me spanjollin te Chelsea dhe po shpreson ta ketë nën urdhrat e tij së shpejti. Mësohet se Bayerni tashmë ka nisur kontaktet me ekipin nga Londra, i cili është i gatshëm për ta liruar 28-vjeçarin.
Bayerni po kërkon huazimin e tij njëvjeçare me të drejtën e blerjes vitin e ardhshëm për 30 milionë euro dhe marrëveshja mes palëve mund të finalizohet brenda kësaj jave. Kepa është pjesë e Chelseat prej vitit 2018 dhe ka kontratë deri në verën e vitit 2025.