Futbollisti anglez, Johne Stones, pranoi se trajneri Pep Guardiola “rishpiku” trurin e tij, por në anën tjetër përmendi vështirësitë në përshtatjen me rolin e ri në mesfushë.
Pasi u bashkua në vitin 2016 nga Everton, ai u përdor si qendërmbrojtës dhe bëri më të mirën së bashku me Ruben Dias në zemër të mbrojtjes.
Por së fundmi, ai është zhvendosur në rolin e mesfushorit mbrojtës, shkruan Goal, transmeton Klan Kosova.
Guardiola i besoi atij detyrën e re dhe mbrojtësi përshëndeti trajnerin e tij që e ndihmoi të vendosej dhe të përmirësohej në sistem.
‘’Mendova se e njihja futbollin mirë kur erdha. Pep më bëri të ndihem se nuk dija asgjë. Ai m’i hapi sytë aq shumë sa më ka ‘rishpikur’ trurin. Të jesh mbrojtës për Pep është kënaqësi. Ai pret shumë nga ne që të fillojmë të luajmë dhe është kënaqësi kur je stërvitur vazhdimisht, atë që ai dëshiron dhe e sheh se si funksionon. Më pëlqen shumë, po mësoj. Çdo vit ka diçka të re”, tha lojtari në një intervistë për Daily Mail.