Pavarësisht se nuk është ende në formën optimale dhe nuk mund të luajë me skuadrën mesfushori francez Paul Pogba është grumbulluar me skuadrën e Juventus në turneun që po zhvillon në Amerikë. Francezi e nisi më herët se të tjerët fazën përgatitore për të fituar sa më shumë kohë dhe të rikuperohet sa më shpejt.
Gjatë një takimi me tifozët bardhezinj në Amerikë, ai ka lëshuar një mesazh ndaj tyre: “Na prisni, do të rikthehemi me më shumë dëshirë për fitore se më parë”. Një mesazh që vjen dy ditë nga vendimi që mori UEFA, për të përjashtuar një vit Juventus nga kupat e Europës.
Është e qartë që mesfushori kampion bote kërkon të hedhë pas krahëve një sezon të ndërlikuar, i kushtëzuar nga dëmtimet e shumta. Vjet, ai luajti vetëm në 6 ndeshje, 180 minuta në total në Serie A. Ende nuk ka një datë të saktë se kur Pogba do të jetë në dispozicion të trajnerit Allegri.