Zëvendëskryeministri i parë, Artan Grubi ka reaguar përmes një statusi pas ngjarjes së zjarrvënies së veturës që ndodhi në orë e para të mëngjesit të sotëm.
Grubi ka kërkuar falje ndaj gjithë persove dhe fqinjëve për shqetësim, teksa potencon se kërcënimet dhe sulmet nuk e ndalojnë nga kryerja e misionit të tij politik me sukses.
Reagimi i plotë:
I kërkoj ndjesë të gjithë fqinjëve të mi në lagjen tonë për shqetësimin e madh që e përjetuan mbrëmë para ndërtesës ku jetoj, për arsye të profesionit tim.
I kërkoj ndjesë edhe shokut tim dhe familjes së tij për dëmin e shkaktuar vetëm për arsye të profesionit tim.
Në politikë jam për të sherbyer dhe për të lënë gjurmë me punë e me vepra, e jo që të më terrorizohet familja, fqinjtë dhe shoqëria.
Kërcënimet e vazhdueshme dhe sulmet e njëpasnjëshme i konsideroj si qyqare dhe tinzare, por unë nuk e kam ndërmend të ndalem dhe të zbrapsem nga puna dhe realizimi i pritshmërive të qytetarëve.
Ju kërkoj falje që shqetësimet e mija dhe të familjes sime u shënderuan në shqetesime edhe të fqinjëve dhe shoqërisë.
Shpreh mirenjohje për të gjithë fqinjtë e mi si dhe për forcat e sigurisë dhe përpjekjet e tyre për ta zbardhur sulmin e mbrëmshëm.
Ju falenderoj dhe të gjithë juve për përkrahjen e madhe!