Portieri legjendar holandez Edwin Van Der Sar po rikuperohet dalëngadalë nga hemorragjia në tru që i ndodhi më 8 korrik teksa ishte me pushime në Kroaci.
Ai deri më tani ndodhej në terapi intensive në spitalin e Splitit dhe pasi u konstatua se mund të përballojë fizikisht transportin për në Holandë, ai është transferuar në vendlindje për trajtim të mëtejshëm.
Agjenti i tij tha për publikun se gjendja shëndetësore e Van Der Sar është ende e komplikuar dhe kërkon rehabilitim serioz, por se jeta e tij nuk është në rrezik. Ai ngadalë rifitoi funksionet normale trupore dhe komunikoi normalisht.