Ministri i Ekonomisë, Kreshnik Bekteshi sot u është përgjigjur akuzave të VMRO-DPMNE-së, respektivisht kryetarit Hristijan Mickoski, lidhur me djalin e kryetarit të BDI-së, Ali Ahmetit.
“E ftoj zotin Mickovski, si inxhinier, që nga dita e sotme, kur të ketë kohë, sëbashku me mua të shkojmë t’i vizitojmë zyrat e Shkumbin Ahmetit, djalit të liderit Ali Ahmeti në Kërçovë, i cili ka mbi 5 vite që punon si arkitekt privat, dhe të gjitha projektet i ka të dedikuara për jashtë shtetit dhe nuk ka asnjë lidhje me asnjë projekt të institucioneve shtetërore” – ka deklaruar Bekteshi.