Klubi mbretëror, Real Madridi ka njoftuar zyrtarisht rinovimin e kontratës së Dani Ceballos, edhe për katër vite.
Los Blancos kanë vazhduar me rinovimin e kontratave për disa nga lojtarët në prag të sezonit të ri 2023/24.
Pas transferimit të Jude Bellingham dhe Joselu, rikthimit të Brahim Diaz dhe rinovimit të Toni Kroos dhe Nacho Fernandez, Reali ka njoftuar blindimin e Ceballos me kontratë të re.
“Real Madrid CF dhe Dani Ceballos kanë rënë dakord për të vazhduar kontratën e lojtarit, i cili mbetet i lidhur me klubin deri më 30 qershor 2027”, thuhet në njoftim.
Comunicado Oficial: Ceballos#RealMadrid | #Ceballos2027
— Real Madrid C.F. (@realmadrid) June 23, 2023
Ndryshe, Ceballos ka luajtur për Real Madridin në 120 ndeshje gjatë katër sezoneve, në të cilat ai ka arritur 11 trofe: 2 Liga të Kampionëve, 3 Kupa të Botës për Klube, 2 Superkupa Evropiane, 1 La Liga, 1 Copa del Rey dhe 2 Superkupa Spanjolle.
Reklama
Dani Ceballos ka qenë reprezentues i Spanjës në 13 raste. Ai ishte kampion evropian me ekipet spanjolle U-19 dhe U-21, ndërsa në të kaluarën ka luajtur edhe me Real Betisin. /Telegrafi/
💪 @DaniCeballos46 💪#Ceballos2027 pic.twitter.com/a8o2qMvEFb
— Real Madrid C.F. (@realmadrid) June 23, 2023