Gjermania vazhdon përgatitjet për Euro 2024, ndërsa sfidën e radhës miqësore do ta ketë kundër Polonisë në mbrëmjen e së premtes. Hera e fundit që dy ekipet u përballën ishte shtatë vite më parë në një sfidë të vlefshme për Euro 2016, që përfundoi në barazim pa gola.
Si vendi organizator i Europianit të radhës, kombëtarja gjermane është e kualifikuar, por do të luajë një sërë miqësoresh në përgatitje për turneun. Pancerat u eliminuan që në fazën e grupeve në kupën e botës Katar 2022. Ndeshja e fundit ndërkombëtare e Gjermanisë ishte kundër Ukrainës, që përfundoi në barazim 3-3.
Ekipi i drejtuar nga Flik, ka arritur vetëm 4 fitore në 14 sfidat e fundit në të gjitha turnetë, e vetëm në dy takime, nuk kanë pësuar gola. Ndërkohë Polonia e fitoi ndeshjen e fundit kundër Shqipërisë, në Varshavë të vlefshme për kualifikueset e Euro 2024.
Në fushë trajneri Santos pritet të hedhë një ekip ku ndërthuren emrat e rinj me eksperiencën, ndërsa Polonia në 6 sfidat e fundit miqësore nuk ka humbur asnjëherë.
Klan News