Ambla, vajza e mitur e Blendi Klosit, Sekretarit Organizativ të PS-së dhe njëherësh deputet, ka hapur prej tre ditësh një ekspozitë pikture në Londër. Lajmin e ka ndarë i ati që poston disa fotografi nga ekspozita dhe pikturat shumëngjyrëshe të punuara nga e bija, vitet e fundit.
Ekspozita “ngjyrat e Amblës” do të jetë e hapur për publikun nga 11 qershori deri në 31 korrik, në Bantof Galery, The House of st Barnabas, në Londër.
“Ngjyrat e Amblës”, në një tjetër hapësirë. Për audiencën e apasionuar pas pikturës dhe artit pamor, në një tjetër ekspozitë ndërkombëtare të pasionit dhe talentit në telajo. Në Bantof Galery, The House of st Barnabas, Londër. Nga data 11 qershor deri në 31 korrik. Më shumë se i emocionuar”, shkruan Klosi duke ndarë fotografitë e eventit.