Rap-artisti i njohur nga Drenica, Don Xhon, ka paralajmëruar së fundmi projektin e ri muzikor.
“Ike” mban titullin kënga e re, për të cilën tashmë ka ndarë me ndjekësit një insert të shkurtër nga videoklipi.
Protagoniste në klip është edhe ish-e dashura e tij me origjinë ruse, Ariana Lirey.Dyshja, të cilët bënë bujë të madhe për ndarjen e tyre, duket se kanë bashkuar forcat këtë herë në një projekt.
“Ike është vepër e jo hajgare. Tregu ynë ka pas nevojë për këtë këngë kështu që pritni këtë javë bombën”, ka shkruar reperi në një postim në InstaStory.
Në një pjesë, Ariana shihet e veshur me fustan nusërie dhe ky klip siç dihet u realizua në Mal të Zi.
Ata vitin e kaluar u ndanë, gjersa përmes rrjeteve sociale ‘shpërthyen’ edhe në akuza e ofendime ndaj njëri-tjetrit. /Telegrafi/
