Me rastin e shënimit të ditës së “Shën Kirilit dhe Metodit”, iluministëve mbarëslloven, zëvendëskryeministri i parë, Artan Grubi ka uruar bashkëqytetarët maqedonas.
Në urimin e tij Grubi shkruan se kujtimi për këto figura historike, duhet të jetë frymëzim për të ndërtuar ardhmërinë europiane të vendit.
Statusi i plotë:
Të nderuar bashkëqytetar maqedonas,
Themelet e çdo identiteti kombëtar qëndrojnë mbi rolin dhe kontributin e figurave që dhanë gjithçka nga vetja për vendosjen e themeleve të gjuhës.
Uroj që sot kujtimi për vëllezërit Kirili dhe Metodi të jetë frymëzim për të gjithë ju në aspiratën për përparimin e vendit, në rrugën për të ardhmes europiane drejt së cilës po hapërojmë me vlerat tona të pakontestuara gjuhësore dhe kulturore.
Vetëm mbi respektin e ndërsjelltë të gjuhëve dhe kulturave tona qëndron ardhmëria e shëndoshë e vendlindjes sonë.
Urime festën!