Kreu i komunës së Bogovinës, Besnik Emshiu ka informuar se me iniciativë të tij dhe miratimin nga Këshilli komunal, komuna e Bogovinës ka ndarë 300 mijë denarë për të prekurit nga tërmeti në Republikën e Turqisë.
Me propozim timin dhe me miratimin e Këshillit komunal, kemi ndarë 300.000 denarë ndihmë financiare nga buxheti i komunës së Bogovinës për të prekurit nga tërmeti në Republikën e Turqisë.
Jam i bindur se nuk ka mjete financiare që mund të mbulojë dhimbjen shpirtërore dhe jetën e humbur nga kjo fatkeqësi natyrore por të paktën të tregojmë shpirtin human në situata të këtilla.
Njëkohësisht edhe njëherë shpreh ngushëllimet e mia deri tek populli turk dhe gjithë familjet që kanë humbur më të dashurit e tyre si dhe mirënjohje për të gjithë ekipet e shpëtimit të cilat ende veprojnë në terren për të shpëtuar jetë.
