Presidentja e Hungarisë, Katalin Novak mbërrin sot për një vizitë zyrtare sot në Tiranë.
Novak do të pritet me ceremoni shtetërore nga Presidenti i Republikës Bajram Begaj. Ceremonia zyrtare e mirëseardhjes do të nisë në orën 10:00 në Presidencë.
Dy homologët do të mbajnë edhe një konferencë të përbashkët për shtyp, e cila do të nisë në orën 11:30.
Zyra e shtypit të Presidencës bën me dije se në qendër të bisedimeve, do të jenë zhvillimi i marrëdhënieve politike dhe ekonomike midis dy vendeve, bashkëpunimi me Hungarinë në funksion të procesit të integrimit të Shqipërisë dhe vendeve të tjera të Ballkanit Perëndimor, zhvillimet në rajonin e Ballkanit Perëndimor, si dhe zhvillimet e reja gjeopolitike të ndikuara nga agresioni ushtarak rus në Ukrainë.