Zëvendës kryeministrja përgjegjëse për politika të qeverisjes së mirë, Sllavica Gërkovska, në konferencën e sotme për media tha se kontrata me “Behtel dhe Enka” ka klauzolë për fshehtësi.
“Deklarata ime e parë në lidhje me të ishte se në parim nuk pash asnjë arsye pse të mos publikohej, përveç nëse ka një klauzolë që mund të ndikonte në një vendim të tillë dhe që unë do të kontrolloj nëse ka një klauzolë të tillë. Megjithatë, një klauzolë e tillë ekziston, menjëherë është njoftuar nga kryeministri dhe opinioni është informuar për ekzistimin e një klauzole të tillë dhe ajo na obligon në një pjesë për një masë të tillë”, tha Gërkovska në takimin me gazetarët.