“Jam i vetmi nga familja që është i përfshirë në politikë. Vetëm një arsye kam – Ali Ahmeti. Është burrë i jashtëzakonshëm, i cili e tret veten për t’iu bërë dritë të tjerëve. Është një burrë që nuk i di salltanetet dhe sefatë”.
Kështu u shpreh zëvendëskryeministri i parë, Artan Grubi nga tubimi i BDI-së në Çair ka folur për familjen e tij.
Shtoi se publikimi i dokumenteve të “UDB-s, dëshmoi se Ali Ahmeti është i pastër si kristali dhe si loti”.
“Këtë nuk duhet ta harrojmë asnjëherë, dhe në veçanti Dega e Çairit nuk duhet ta harrojë asnjëherë. Nuk guxojmë të jemi bukëpërmbysës. Nuk guxojmë t’ia kthejmë shpinën Ali Ahmetit”, tha Grubi.