Kryetari i Aleancës për Shqiptarët, Ziadin Sela në takimin e Frontit Europian në Tetovë tha se VLEN u vendos në shërbim të VMRO-DPMNE-së dhe Mickoskit, drejt majorizimit të shqiptarëve, për të realizuar plan anti-kombëtarë.
“Tentativa e Mickoskit dhe të tjerëve është që shqiptarët që apolitizohen, të mos kenë të drejtë të vendosin e të pyeten për vete. Por këtë herë VMRO-ja se bashku me këto nga VLEN-i, u vendsën në shërbim të këtij plani, sepse ai qe u fotografua me Mickosin u zotua të jetë një shërbëtor i mirë për Mickoskin. Shqelma do të marrin një ditë këta që bashkëpunojnë me VMRO-në në këtë plan, ndërsa propaganda e tyre nuk mbajnë, sepse këto metoda të vjetra të UDB-së nuk vlejnë më. Nëse Mickoski thotë së në Maqedoni foli legjitimiteti i maqedonasve, atëhërë lë të na tregoj dhe neve ku e kemi vendin tonë që ta themi legjitimitetin aty ku duhet… Nëse nuk na e tregon ti, ne dimë edhe vetë ta vizatojmë vendin tonë…”, tha Sela. /TvKlan.mk