Në një deklaratë të fundit, përfaqësuesja e Bashkimit Europian, Angelina Eichhorst, shprehu keqardhjen e BE-së për mos-përdorimin e emrit kushtetues “Maqedonia e Veriut” nga Presidentja e sapozgjedhur, Gordana Siljanovska-Davkova, gjatë ceremonisë së saj të betimit. Ky akt i lënë pa përmendur emrin e vendit sipas Marrëveshjes së Prespës, dhe ka nxitur reagime në nivelin europian.
Eichhorst theksoi rëndësinë që Maqedonia e Veriut të vazhdojë të respektojë marrëveshjet ndërkombëtare dhe të detyrueshme ligjërisht, duke përfshirë këtu edhe Marrëveshjen e Prespës me Greqinë, e cila është një hap kyç në rrugën e vendit drejt integrimit në Bashkimin Europian. Bashkimi Europian rikujton angazhimin e tij për të mbështetur Maqedoninë e Veriut në rrugën e saj reformuese dhe të respektimit të marrëveshjeve të saj ndërkombëtare.
“BE shpreh keqardhje për faktin që presidentja e re e Maqedonisë së Veriut, Presidentja Siljanovska-Davkova, nuk e përdori emrin kushtetues të vendit gjatë ceremonisë së betimit të sotëm.
BE rikujton rëndësinë e respektimit të plotë të marrëveshjeve ekzistuese, ligjërisht të detyrueshme, përfshirë Marrëveshjen e Prespës me Greqinë”, ka shkruar Eichhorst./Indeks.mk/
#EU regrets that the new President of North Macedonia 🇲🇰 President Siljanovska-Davkova, didnot use the country’s constitutional name at the swearing-in ceremony 2day. Full respect 4 legally binding agreements incl. #Prespa Agreement w/Greece 🇬🇷 = important https://t.co/AJ8Igcupeu
— Angelina Eichhorst 🇪🇺 (@aneichhorst) May 12, 2024