I ftuar në emsionin Klan Debat në Klan Maqedonia Bujar Osmnai nga Fronti Europian ka shprehur hapur pakënaqësinë e tij me koalicionin “Maqedonia Yte” dhe akuzat e klientelizmit ndaj shqiptarëve. Ai ka kritikuar ashpër atë që ai e sheh si një përpjekje për të nënçmuar vullnetin politik të shqiptarëve dhe ka theksuar se beteja e vërtetë është kundër nacionalizmit të VMRO-së.
Osmani ka shtuar se pavarësisht se disa nuk e kanë votuar atë personalisht, ata mbështesin Frontin Europian si një mjet për të kundërshtuar ndikimin e Mickoskit në politikën e vendit. Ai ka bërë thirrje për një qëndrim të fortë kundër praktikave që ai i konsideron si kërcënim ndaj Marrëveshjes së Ohrit dhe ka vënë në dukje se beteja për të mbrojtur vlerat e shqiptarëve ka marrë një rëndësi të re pas zgjedhjeve të 24 prillit.
“Zoti Travari mund t’i bashkohet koalicionit Maqedonia Yte, që është në fakt Maqedonia e maqedonasve. Unë mendoj se ata promovojnë dy steriotipe, se shqiptarët janë klientelista, dhe se i fiken pushtetit, dhe se do të marrin Ministrinë e Brendëshme. Ky është një nënçmim i madh ndaj shqiptarëve me çka ka prekur dhe nervin e tyre në këtë rast, dhe ne po bëjmë përpjekje se çfarë mund të shpëtojmë nga ky trup votues. Ka njerëz që skanë votuar për mua si kandidat por që do të votojë për Frontitn Europian. Njerëzit e kanë kuptuar se e vetmja mënyrë për t’iu kundërvënë Mickovskit është votimi për frontin.
Ata janë të vetëdijshëm se po ju ikin edhe votuesit e 24 prillit. Pse duhet të kërkojnë ata vullnetin e popullit, kur e kanë vullnetin e Mickovskit. Unë kam ecur banesë më banesë për të marrë vullnetin e popullit, Taravari e ka shumë të lehtë takohet me Mickovskin dhe merr vullnetin e tij.
Ai nuk ka mandat të fletë në emër të popullit sepse i humbi zgjedhjet, dhe vetë tha që do të japi dorëheqje. Unë mendoj se duhet të flasim për raportin nacionalist të VRO-së që ka shkelur të gjitha vijat e kuqe të frontit.
Beteja brenda shqiptare ka mbaruar më 24 prill, tani është betejë mes nesh dhe nacionalizmit të VMRO-së”, tha Osmani./tvklan.mk/