Lokalizohet zjarri që shprtheu mëngjesin e sotëm në Qendrën Tregtare Ist Gejt në Shkup. Në katin e fundit, në pjesën e restoranteve ku përgatitet ushqimi, është përfshirë në flakë kanali i cili përçon avullin. Nuk ka të lënduar, por vetëm dëm material.
“Lidhur me informacionin për zjarrin që ndodhi sot në Qendrën Tregtare Ist Gejt Moll në orën 9:30, do të dënim t’ju informojmë se shërbimet teknike të qendrës tregtare së bashku me shërbimet zjarrfikëse në terren e lokalizuan zjarrin dhe në kohë e parandaluan përhapjen e tij. Në përputhje me procedurat e vendosura të qendrës tregtare për këtë lloj situate, janë aktivizuar sistemet e mbrojtjes nga zjarri dhe janë evakuuar të punësuarit në qendrën tregtare. Si rezultat i reagimit me kohë të shërbimeve nuk ka persona të lënduar, e as dëm të madh material”, thuhet në njoftimin e Qendrës Tregtare.
Ngjarja, siç theksojnë, ka ndodhur në një kohë kur qendra tregtare nuk është ende në funksion dhe nuk ka vizitorë. Për momentin po kryhet kontroll nga organet kompetente.
Pas përfundimit të kontrollit, qendra tregtare do të vazhdojë me punë me orarin e rregullt të punës.
Siç informojnë nga Brigada Territoriale e Zjarrfikësve të Qytetit të Shkupit, në MIA-n është ndërhyrë me pesë automjete dhe 15 zjarrfikës.
