Shkolla Fillore “Rilindja” në fshatin Sellcë të Tetovës do të ketë objekt të ri me kushte moderne për pritjen e nxënësve.
Lajmin e ka bërë të ditur, zëvendeskryeministri i parë, Artan Grubi përmes një statusi në Facebook.
Grubi shkruan se investimet ne infrastrukturën moderne shkollore janë ndër prioritetet e kësaj qeverie, me qëllim për një proces sa më cilësor edukativo-arsimor.
Statusi i plotë:
Sot me Jetonin po bëjmë realitet edhe një premtim, po fillojmë ndërtimin e objektit të ri të shkollës fillore “Rilindja” në fshatin Sellcë të Tetovës.
Në fokusin e Qeverisë mbetet investimi në infrastrukturë moderne shkollore në çdo cep të vendit si parakusht për mbarëvajtjen e një procesi cilësor edukativo – arsimor.
Uroj proces të mbarë pune dhe përfundim sa më të shpejtë të këtij projekti infrastrukturor që është i një rëndësie të jashtëzakonshme për banorët e Sellcës.
https://www.facebook.com/share/p/Kc8JXe2NiVSacYbM/?