Një nga vrasësit më të famshëm të shqiptarëve në Bosnje dhe Hercegovinë, Sinisa Petriq, i njohur si Zenica, nuk do të ekstradohet nga Spanja deri në shkurt. Sipas gazetës “Glas Srpska”, arsyeja e shtyrjes është se ai është përfshirë në një incident në një burg spanjoll, ku ai po mbahet për krime të tjera.
Petriq ishte parashikuar të kthehej në Sarajevë me avion dje, pasi Gjykata e Qarkut në Banja Lukë kishte pranuar aktgjykimin e gjykatës spanjolle që e dënonte me 15 vjet burg për krim të organizuar dhe armëmbajtje. Në deklaratën e Gjykatës thuhet se veprat penale për të cilat Petriq u dënua në Spanjë janë të njëjta me ato të Kodit Penal të Republikës Serbe.
Petriq është një nga bashkëpunëtorët më të afërt të Luka Bojoviqit, një kriminel i shquar serb që u vra në Madrid në vitin 2013. Petriq akuzohet se ka marrë pjesë në vrasjen e 95 shqiptarëve të burgosur në Dubravë në maj të vitit 1999, si dhe në vrasjen e dy personave në një kafene në Sarajevë në vitin 2000. (bild.mk)