Nënkryetari i Bashkimit Demokratik për Integrim, Arbër Ademi gjatë takimit me qytetarët e këshillave vendor “Fehmi Lladrovci” dhe “Luan Haradinaj” në Çair tha se BDI po prin në çdo sondazh dhe se partitë e tjera janë të vetëdijshme për fuqinë politike që BDI ka.
Ademi shtoi se shqiptarët nuk kanë alternativë më të mirë së Bashkimi Demoktrik për Integrim.
“Duhet të flasim realitetin ashtu siç është. BDI në çdo matje të mendimit të opinionit, në çdo sondazh del që ka përkrahjen e qytetarëve më shumë e vetme, se sa gjithë të tjerët së bashku. Të gjitha partitë politike kanë përfaqësuesit e tyre në Kuvend dhe ata e shohin se ku janë dhe si qëndrojnë, ndaj alternativë më të mirë së BDI nuk ka”, deklaroi Ademi.