Kryetari i AAK-së, Ramush Haradinaj, ka shprehur mirënjohje ndaj organeve të rendit për punën e tyre në zbulimin e rasteve të fundit të vrasjeve në Kosovë. Në një postim në Facebook, Haradinaj ka thënë se organet e rendit kanë nderuar Kosovën dhe kanë forcuar besimin tek institucionet e sigurisë.
Haradinaj është shprehur se organeve të rendit u takojnë përgëzimet për zbulimin e rasteve kriminale, të cilat i kanë shokuar qytetarët e Kosovës.
Reagimi i plotë:
Stop dhunës dhe krimit – Me Policinë e Kosovës!
Organeve të rendit u takojnë përgëzimet për zbulimin e rasteve kriminale, siç është rasti i grabitjes së argjendarisë në Suharekë, vrasja e vjehrrit nga dhëndrri i tij dhe rasti i fundit i vrasjes së Liridona Murselit, të cilat kanë tronditur opinionin publik. Këto suksese e nderojnë Kosovën dhe e forcojnë besimin tek institucionet tona të sigurisë.
Jemi mirënjohës ndaj Policisë së Kosovës, hetuesve dhe Prokurorisë për zbulimin e shpejtë të këtyre akteve kriminale!
Në këto kohë të vështira, jemi solidarë me familjet që kanë humbur të dashurit e tyre. Urojmë që të mos ketë më kurrë të tilla raste! (politiko.makdomen.net)