Një incident i rëndë ka ndodhur dje në orët e vona të natës në Podujevë, ku persona të panjohur kanë shtënë me armë zjarri dhe kanë lënë një granatë dore në rrugë, shkruan Gazeta Express. Sipas njoftimit të policisë, ankuesi ka raportuar se sulmuesit kanë ikur me një veturë në drejtim të panjohur pasi kanë organizuar shpërthimin.
Njësitet policore kanë gjetur dhe konfiskuar pesë gëzhoja të armës dhe një granatë dore me siguresë në vendin e ngjarjes. Njësitet për deminim nga KFOR dhe FSK kanë bërë tërheqjen e mjetit pa incidente. Prokuroria ka kualifikuar rastin si tentativë për vrasje dhe ka nisur hetimet për identifikimin dhe kapjen e autorëve. Ende nuk dihet motivi i sulmit dhe nëse ka pasur viktima apo të plagosur. (politiko.makdomen.net)