Qeveria e Kosovës ka vendosur të shtojë afatin për konvertimin e targa ilegale në RKS, pasi ka skaduar në muajin prill. Kjo është një mundësi e fundit për pronarët e mjeteve me targat serbe “PR”, “KM”, “PZ”, “GL”, “UR”, “PE”, “DA” apo “ĐA” që të pajisen me targa RKS dhe të qarkullojnë ligjërisht në territorin e Republikës së Kosovës.
Sipas një komunikate të Qeverisë së Kosovës, afati i ri për riregjistrimin e automjeteve me targat serbe është nga data 1 nëntor deri më 1 dhjetor 2023. Me vendim të ri, parashihet që pas kësaj date, këto mjete nuk do të kenë më mundësinë që të hyjnë apo të qarkullojnë në Kosovë.
Qeveria e Kosovës ka ofruar lehtësira financiare për konvertimin e targave ilegale në RKS, duke lënë pa pagesë tarifat për regjistrim, vlerësim dhe sigurim. Deri më tani, 805 vetura me targat ilegale janë konvertuar në ato RKS-së, sipas Ministrisë së Punëve të Brendshme. Numri më i madh i konvertimeve është në Komunën e Mitrovicës.
Ministria e Punëve të Brendshme ka bërë thirrje për qytetarët serb që të përfitojnë nga kjo mundësi dhe të pajisen me targa RKS, duke theksuar se kjo do të ndihmojë në integrimin e tyre dhe në respektimin e ligjit. Ministria ka thënë se regjistrimi bëhet në bazë të Udhëzimit Administrativ Nr.05/2022 dhe se mund të bëhet në të gjitha Qendrat e Regjistrimit të Automjeteve, pavarësisht vendbanimit apo vendqendrimit. (politiko.makdomen.net)