Në Villa Vodno u mbajt seanca e 19-të e Këshillit të Sigurisë, ku u diskutua për situatën e sigurisë në vend dhe rajonin euroatlantik.
Në seancë, përveç anëtarëve të Këshillit të Sigurisë, me ftesë të presidentit Pendarovski, morën pjesë edhe drejtori i Agjencisë për Siguri Kombëtare dhe drejtori i Agjencisë për Inteligjencë, përcjell TV21. Përfaqësuesit kompetentë të institucioneve informuan për çështjet aktuale të sigurisë që kanë të bëjnë me vendin dhe rajonin më gjerë, duke përfshirë agresionin rus ndaj Ukrainës, zhvillimet në Lindjen e Mesme dhe situatën në veri të Republikës së Kosovës.
Për sa i përket situatës së sigurisë në vend, u vlerësua se është stabile dhe se nuk ka indicie për rrezikim të mundshëm të saj. Si anëtare e NATO-s, Republika e Maqedonisë së Veriut është në koordinim të rregullt me Aleancën dhe aleatët në lidhje me aktivitetet e ndërmarra për forcimin e sigurisë në hapësirën euroatlantike.