Një studim i ri nga Universiteti Metropolitan Osaka ka zbuluar se filizat e brokolit janë një burim i shkëlqyer i polisulfideve, një përbërje bimore me veti antioksiduese dhe anti-inflamatore. Polisulfidet janë të lidhura me parandalimin dhe trajtimin e sëmundjeve të rënda, si kanceri dhe sëmundjet neurodegjenerative. Studimi, i botuar në Redox Biology, tregoi se filizat e brokolit përmbajnë 20 herë më shumë polisulfide se brokoli i gatuar dhe 7 herë më shumë se perimet e tjera krucifere. Kjo i bën filizat e brokolit një zgjedhje shumë të shëndetshme për t’u konsumuar rregullisht.
Dr Shingo Kasamatsu, udhëheqës i studimit, ka thënë se zbulimi i tyre hap mundësi për kërkime të mëtejshme mbi funksionin farmakologjik të polisulfideve dhe zhvillimin e barnave të reja për sëmundjet që lidhen me stresin oksidativ. Ai shtoi se polisulfidet mund të luajnë një rol të rëndësishëm në procesin e mbirjes dhe rritjes së bimëve dhe se kjo mund të ketë implikime për bujqësinë dhe ushqimin. (politiko.makdomen.net)