Në një intervistë për politiko.makdomen.net, deputetja e BDI-së Arta Bilalli Zendelin, ka folur për nismën e liderit të saj Ali Ahmeti për kriimin e një fronti pro-evropian dhe pro-amerikan, si dhe për procesin e reformimit të sistemit parlamentar dhe ligjvënies në vend. Ajo ka thënë se ideja për Frontin për Europë erdhi në kohën e duhur dhe se ka filluar të grumbullojë individë dhe deputetë rreth këtij qëllimi. Ajo ka shtuar se Procesi Zhan Mone ka sjellë disa ndryshime pozitive në rregulloren parlamentare, të cilat do të lehtësojnë punën e komisioneve dhe do të parandalojnë bllokimet me amendamente.
“Mendoj se ideja për “Frontin për Europë” ishte mjaft e qëlluar dhe erdhi pikërisht në momentin e duhur. Veqmë kanë filluar disa tubime të caktuara apo grumbullime të individëve apo deputetëve rreth këtij fronti pro Evropian, dhe mendoj se veprimi i këtij fronti në të ardhmen vetëm se do të zgjerohet”, tha Zendeli.
Ajo ka vleresuar se Procesi Zhan Mone ka bërë disa përmirësime në rregulloren parlamentare, të cilat do të ndihmojnë në efikasitetin e punës së komisioneve dhe do të shmangin bllokimet me amendamente.
“Rregullojra aktuale që është për kohën sa jam unë deputete më ka lënë ndonjëher edhe shije të keqe për shkak se është dashur që të mos punojmë ose dikush ka bllokuar me 1 mijë amendamente ligje të ndryshme. Megjithatë mendoj se Procesi Zhan Mone ka arritur deri diku ta balancojë këtë mundësi për bllokadë, dhe tani jemi në fazat e fundit apo në përmbylljen e atij procesi, të premten është e përcaktuar puna apo vazhdimi i punës së Komisionit për Çështje të Mandatit Imunitetit dhe të Rregullores, dhe menjëher pas asaj Komisioni Ligjvënës Juridik si Komisioni i Shkallës së Dytë, dhe besoj se së shpejti edhe do ta votojmë. Tani ka edhe si mundësi të cilat ekzistojnë në rregulloren aktuale po të cilat me rregulloren e re pas punës së deputetëve në suaza të Procesit Zhan Mone së bashku me euro-deputetë të caktuar do të jenë më të balancuara apo më të amortizuara”, tha Zendeli (politiko.makdomen.net)