Kryeministri i Kosovës, Albin Kurti, i ka vlerësuar të suksesshme marrëdhëniet e qeverisë së tij me atë të Shqipërisë, duke theksuar se në dy vjet e gjysmë janë nënshkruar 58 marrëveshje dypalëshe. Në një postim në rrjetet sociale, Kurti ka renditur disa nga projektet e përbashkëta, si hekurudha Durrës-Prishtinë, kalimi i lirë i kufijve, unifikimi i abetares dhe Enciklopedia Shqiptare.
Kurti shprehu krenarinë e tij për bashkëpunimin e ngushtë me Shqipërinë, duke e quajtur atë “dy republika, një komb”. Ai shtoi se ky bashkëpunim ka sjellë përfitime për qytetarët dhe ekonominë e të dy vendeve, si dhe ka forcuar perspektivën evropiane të Ballkanit Perëndimor.
Postimi i Kurtit vjen pas një periudhe tensioni mes tij dhe kryeministrit shqiptar Edi Rama, për shkak të afrimit me situatën në veri të Kosovës. Rama ka mbrojtur rolin e KFOR-it në zonën e kontestuar, ndërsa Kurti ka kërkuar respektimin e sovranitetit dhe integritetit territorial të Kosovës. (politiko.makdomen.net)