Drejtori i Fondit për Inovacion dhe Zhvillim Teknologjik, Festim Halili sot në Podgoricë ka takuar kryeministrin malazez Dritan Abazoviq.
Gjatë takimit theks të veçantë i është kushtuar bashkëpunimit mes dy vendeve në fushën inovative dhe teknologjisë së avancuar.
Postimi i plotë:
Takojmë kryeministrin e Malit të Zi z. Dritan Abazović.
Theksi i bashkëbisedimit ishte bashkëpunimi në projekte të përbashkëta inovative dhe transferimin e teknologjive të avancuara mes shteteve tona. Kryeministri Abzovic, shprehi mjaft interes për projektin tonë të Inteligjencës Artificiale për komunikim racional mes qytetarëve dhe institucioneve shtetërore, që të zbatojmë dhe në Mal të Zi.
Diskutuam dhe për zbatimin e projektit të përbashkët “Policy Answer” ku shtetet tona së bashku me DLR gjermane janë partnerë.
Vetëm me ura bashkëpunimi dhe urtësi bëhen punët e mira për qytetarët tanë!