Sophie Turner dhe Joe Jonas vendosën të divorcohen, por duket se po hasin probleme në lidhje me faktin se kush do t’i mbajë fëmijët. Ylli i “Game of Thrones” paraqiti një peticion në New York City të enjten duke kërkuar që Jonas t’i kthente fëmijët e tyre në shtëpinë në Angli, sipas dokumenteve gjyqësore të siguruara nga CNN.
Jonas ishte kujdesur për dy vajzat e tyre gjatë turneut me grupin e tij The Jonas Brothers, një marrëveshje e rënë dakord ndërsa Turner ishte në produksion të një serie të re, sipas peticionit të saj.
Turner kishte planifikuar të kthehej në Angli këtë muaj me fëmijët, thuhet në peticion, por kur ajo u përpoq të merrte pasaportat e tyre nga Jonas javën e kaluar, ajo pretendon se ai refuzoi.
Ndërkohë kujtojmë se Jonas bëri kërkesë për divorc nga Turner më 5 Shtator pas katër vitesh martesë. Turner gjithashtu pretendon në peticionin e saj se ajo zbuloi se Jonas kishte paraqitur kërkesë për divorc përmes “medias”.
Përfaqësuesi i Jonas e kundërshtoi atë pretendim, duke deklaruar se Turner ishte në dijeni paraprakisht se do të kërkonte divorc.
Në peticionin e saj, Turner përshkruan përpjekjet e çiftit tashmë të larguar gjatë vitit të kaluar për të gjetur “shtëpinë e tyre të përhershme” në Angli, dhe se para përfundimit të martesës së tyre, ata kishin rënë dakord reciprokisht për t’u vendosur në MB.
“Joe po kërkon prindërim të përbashkët, në mënyrë që ata të rriten nga nëna dhe babai i tyre, dhe sigurisht që është gjithashtu në rregull që fëmijët të rriten si në SHBA ashtu edhe në MB,” shtoi përfaqësuesi i tij.