Ajo nuk ishte e panjohur edhe më parë në Itali, por pjesëmarrja në Big Brother VIP Albania 2 ia ka arritur edhe më shumë famën.
Fjala është për Jori Dellin, modelen dhe influencuesen e lindur në Mestre dhe e rritur në Quarto di Altino, në provincën e Venecias, por me origjinë shqiptare.
Gjigandi mediatik Mediaset i ka dedikuar një artikull 27-vjeçares, e cila kohët e fundit po jeton mes Torinos dhe Tiranës, si pasojë e projekteve të shumta pas përfundimit të spektaklit në maj.
Jori Delli ka një numër shumë të lartë ndjekësish në rrjetet sociale dhe skuadra e saj e preferuar është Milani.Në gusht të 2019-s, modelja shqiptare ishte protagoniste në një spot reklamash me dy yjet e futbollit botëror, Kristiano Ronaldo dhe Nejmar. Jori ka pasur edhe bashkëpunime të tjera në botën e sportit me reklama të ndryshme.
