Zëvendëskryeministri Artan Grubi përmes “Facebook”, ka uruar të gjithë besimtarët me rastin e festës së Kurban Bajramit.
Në urimin e tij, Grubi thotë se Festa e Kurban Bajramit na e rikujton çdoherë faktin se kuptimi i jetës qëndron në fjalën dhe veprën e mirë, në zemërgjerësinë si dhe sakrificën shpirtërore dhe në manifestimin e respektit ndaj njëri – tjetrit.
“Këto çaste festive le të jenë frymëzim për triumfin e përditshëm të këtyre vlerave hyjnore dhe besimit në Zot. Paqe, shëndet dhe mbarësi paçit gjithmonë në familjet tuaja! Gëzuar Kurban Bajramin!”, ka shkruar Grubi.